Круглы нуль, нібыта мячык, 
Ды нічога ён не значыць. 

 

 
Пазнаёмцеся: адзінка, 
Тонкая, нібы травінка. 

 

 

Двойка, ейная сяброўка, 
Выгінае шыю лоўка. 

 

 
З двух маладзікоў, сябры, 
Атрымаем лічбу тры. 

 

Крэсла дагары нагамі — 
Вось чацвёрка перад намі. 

Тут кручок, а зверху хвосцік — 
Лічбу пяць чакаем ў госці. 

 

 Лічбу шэсць дугой сагнулі, 
Быццам люльку у дзядулі. 

 Лічбу сем напішам разам, 
З чубам і прыгожым пасам. 

 
Пару колцаў зараз возьмем — 
Атрымаем лічбу восем. 

 
А шасцёрку-акрабатку 
Ператворым у дзевятку. 

Да адзінкі нуль падставім — 
І дзесятку атрымаем.