Раз, два, тры, чатыры, 
Пяць, шэсць, сем, восем, 
Выйшла баба з доўгім носам, 
А за бабай сівы дзед, 
Колькі дзеду таму лет? 

Раз, два - рукава, 
Тры, чатыры - нос ў чарніле, 
Пяць, шэсць - кашу есць, 
Сем, восем - сена косім, 
Дзевяць, дзесяць 
Мішу просім. 

Раз, два - кружава, 
Тры, чатыры - пачапілі, 
Пяць, шэсць - кашу есць, 
Сем, восем - сена косім, 
Дзевяць, дзесяць - грошы весіць. 
Грош згубілі, два знайшлі 
У карчму усе пайшлі: 
Чай п'юць, кубкі б'юць, 
На стол грошыкі кладуць. 

Раз, два, тры, чатыры, 
Кошку грамаце вучылі: 
Не чытаць, не пісаць, 
А за мышкамі скакаць. 

Раз, два, тры, чатыры, 
Мяне грамаце вучылі: 
Не чытаць, не пісаць, 
Толькі ў гюплясы скакаць. 
Я скакала, я скакала, 
Сабе ножку я зламала. 

Раз, два, тры, чатыры, пяць, 
Выйшаў зайчык пагуляць, 
А за зайцам - шэры воўк, 
Воўк у зайцах знае толк. 

Раз, два, тры, чатыры, пяць, 
Выйшаў зайчык пагуляць. 
Трох ахотнічкаў напала, 
Майго зайчыка злапала. 
Піф-паф, о-ё-ёй, 
Памірае зайчык мой. 
Прыняслі яго дамой, 
Паглядзелі - ён жывой. 

Раз, два, тры, чатыры, 
Пяць, шэсць, сем, восем, 
Мы цябе, стукач, папросім. 

Раз, два, тры, чатыры, пяць, 
Шэсць, сем, восем, дзевяць, дзесяць, 
Выплывае белы месяц, 
А за месяцам луна, 
Выйшла дзевіца-слуга. 
- Ты, слуга, падай карэту, 
А я сяду і паеду, 
Ты, слуга, падай мятлу, 
А я хату падмяту. 

Раз, два, тры, чатыры, пяць, 
Шэсць, сем, восем, дзевяць, дзесяць, 
Цар вялеў мяне павесіць. 
Ды нядоўга я вісеў: 
Вецер дунуў - я зляцеў. 

Ляцеў лебедзь, 
Лічыў дзесяць, 
Цар хацеў мяне павесіць, 
А царыца не дала 
І павесіла цара. 
Цар вісеў, вісеў, вісеў 
І ў памыйку уляцеў, 
Усю памыйку аблізаў 
Нават дзякуй не сказаў. 

Сем семярэй 
І сямёра свіней. 
Свінка і свінчын брат 
І сямёра парасят. 

Бег сабачка цераз мост, 
Чатыры лапы, пяты - хвост. 

Сядзіць немец на паліцы, 
Лічыць дзеці на вуліцы: 
- Айн, цвай, драй, 
Міша, вылятай. 

Сядзіць зайчык на прыпечку, 
Лічыць дзеці па-нямецку: 
- Сцяпан, Лявон, 
Выйдзі з хаты вон! 

Ехаў мужык па дарозе, 
Зламалася кола ў возе. 
Колькі трэба спіц, 
Каб кола пачыніць? 

Едзе брычка, званок звоне, 
Выйшла пані лічыць коні: 
- Раз, два, тры, 
Выйдзі, малы, ты. 

Стаяла машына 
Каля канторы, 
Нумар дзевяты 
Выйдзі, пузаты. 

Бегла курка па таку, 
Па зялёным табаку, 
Ела цукар і мядок, 
Адчапіся, каралёк. 

Ходзе бусел па балоту, 
Кліча чэрці на работу 
Дзевяць! 

Хадзіў буська па балоту, 
Ён шукаў сабе работу. 
Шукаў, шукаў, не знайшоў 
І заплакаў дый пайшоў. 

Пайшла курка у аптэку, 
Закрычала: "Кукарэку! 
Дайце пудры і духоў 
На падманку петухоў". 

Ехала жаба на драбіне 
І зляцела проста ў свінні. 
- Ой, не ешце мяне, свінні, 
Бо я ваша гаспадыня. 

Ішла кукушка міма сеці, 
А за ёй пішчалі дзеці. 
Кук-мак, кук-мак, 
Выбірай адзін кулак. 
Ку-ку, ку-ку, 
Прынімай адну руку. 

Выйшла курыца з-пад сеці, 
А за ёю - злыя дзеці. 
Кох-кох, адзін здох. 

Кацілася торба 
З высокага горба. 
А ў той торбе 
Хлеб, пшаніца. 
З кім жадаеш 
Ты дзяліцца? 

Цынцы-брынцы, балалайка, 
Цынцы-брынцы, паіграй-ка. 
Цынцы-брынцы, не хачу, 
Цынцы-брынцы, спаць хачу. 
Цынцы-брынцы, хто стучыць? 
Цынцы-брынцы, дзевачка. 
Цынцы-брынцы, як завуць? 
Цынцы-брынцы, Евачка. 

Пятро, Пятро, 
Падай вядро. 
Карове піць 
Табе жмурыць. 

Ляцеў воран 
У трубу чорну. 
Дым валіць 
Табе жмурыць. 

Бег сабачка-галашыйка, 
У яго борачка на шыйке. 
То не борка - ланцужок, 
Выйдзі, міленькі дружок. 

Ішоў баран 
Па крутых гарах, 
Вырваў траўку, 
Паклаў на лаўку. 
Хто яе возьме, 
Той вон пойдзе. 

Бег зай па бару, 
Абіраў лебяду. 
Рваў, клаў у пучок, 
Выбірайся, ваўчок. 

Чэрці ў возеры купалісь, 
Чэрці рожкамі штурхалісь, 
Чорт чарцёнка штурхануў 
І чарцёнак патануў. 

Ехаў жаўнер із бальніцы, 
Знайшоў белы рукавіцы. 
Думаў, думаў, куды дзеці 
Лепш на ручаньку надзеці. 

Рэльсы гнуцца, рэльсы гнуцца, 
Пад мастом паны дзяруцца, 
Адзін маленькі панок 
Уцякае без парток. 
А назаўтра рыбакі 
Прывязлі яму парткі. 
А ён дзякуй не сказаў, 
Толькі дулю паказаў. 

Апанас, Апанас! 
Твая жонка ў нас 
Увалілася ў квас 
Лаві сем год нас! 

Кінь, кінь, перакінь, 
Давай далей пабяжым, 
Цераз воду і агонь, 
Не дагоніць нас і конь. 

Петушок, петушок, 
Залаты грабянёк! 
На саломцы спаў, 
Рана ён устаў, 
Па вадзічку пайшоў, 
Маладзічку знайшоў, 
Маладзічка дабра 
Яму штонікі дала. 
Ён і тыя не знасіў 
І другія папрасіў. 

А ты, коцік, не гуляй, 
Начовачкі прыбірай! 
Начовачкі склізкі, 
Вядзёрачкі блізкі. 
Круг абарваўся, 
А ты так астаўся. 

Тарана, тарана, 
Купіў бацька барана, 
Да не скобленага, 
Да не доенага. 
Матка даіла, 
Даёнку пабіла. 

- Хто не ўмее араць, 
Таму хлеба не даць, 
Ні капусты, ні бацвінні 
Хай пасе у полі свінні. 
Яму свінні дакучылі, 
Хутка араць навучылі. 

Ходзіць кошка 
Ля вакошка, 
Маніць дзетак 
Каля клетак: 
- Ах вы, дзеткі, 
Многа вас, 
Сіня шапка, 
Прэч ад нас! 

Ішоў кот праз сто варот, 
Дайшоў да канца, 
Знайшоў кацяня. 
Мяў! 

Курыца-квактуха 
Вадзіла дзяцей 
Каля кляцей. 
Квох - сесці 
На красным месцы, 
Яечка знесці. 

- Заяц-месяц, 
Дзе ты быў? 
- У лесе. 
- Што рабіў? 
- Лыкі драў. 
- Куды клаў? 
- Пад калоду. 
- Выйдзі вон із карагоду! 

Беглі коні пад мастамі 
3 залатымі капытамі. 
Дзінь-бразь, 
Выйдзі, князь! 

Раз, два, тры, чатыры, пяць 
Я іду шукаць. 
Хто перада мной стаіць, 
Той ў агне гарыць. 
Раз, два, тры 
Гэта, верна, будзеш ты.